Thursday, February 16, 2012

Ang Mag-Asawang Daga




May mag-asawang daga na itinuturing na pinakamayaman sa kanilang lugar. Nagkaroon sila ng isang napakagandang anak na kanilang lubos na ipinagmamalaki sa buong madla, kaya naman maraming nanliligaw at ibig magpakasal dito.

"Napakaganda ng ating anak. At ang gusto kong mapangasawa niya ay ang pinakamagaling sa lahat ng  bagay. Hindi isang daga lamang na katulad natin," ang wika ng Amang Daga.

Agad na tinungo ng mag-asawa si Araw. Dahil sa akalang ito ang pinakamagaling, tinanong nila ito kung pwedeng pakasalan ang anak.

"Hindi ako ang pinakamagaling sa langit kundi si Ulap dahil naikukubli niya ang mukha ko," ang paliwanag ni Araw. Kung kaya tinungo ng mag-asawang daga si Ulap.

"May mas nakahihigit sa akin. Siya ang pinakamalakas dahil naitataboy niya ako. Siya ay si Hangin," ang tugon naman ni Ulap. At sumunod namang tinungo ng mag-asawa si Hangin.

Nang kanilang makaharap si Hangin, nagwika ito nang, "Hindi ako ang pinakamagaling. Dahil anumang oras ay mapapahinto ako ni Dingding."

Dahil sa akalang pinakamagaling at pinakamalakas si Dingding, dali-dali silang nagtungo dito. "Naku, kung sa akala ninyong pinakamagaling at pinakamalakas ako, nagkakamali kayo. Dahil anumang oras ay kayang-kaya akong ngatngatin at sirain ninyong mga Daga."

Nang malaman ito nang mag-asawang daga, masaya silang umuwi sa kanilang tahanan. Sabi nang Amang Daga, "Hindi ko akalain na tayo pala ang pinakamagaling at pinakamalakas sa lahat. Nagyon ay ipapakasal ko ang ating anak sa katulad nating daga."

At idinaos ang pinakamasaya at pinakamarangyang kasal sa kaharian ng lungga.

5 comments:

  1. This is the precise weblog for anybody who needs to seek out out about this topic. You notice so much its almost arduous to argue with you. You positively put a brand new spin on a subject that's been written about for years. Nice stuff, simply nice!

    ReplyDelete
  2. I certainly agree to some points that you have discussed on this post. I appreciate that you have shared some reliable tips on this review.

    ReplyDelete
  3. yabang ni daga, dapat pa humble na lang siya. sabihin niya ay naku takot ako kay pusa o kaya takot ako kay tsinelas.

    ReplyDelete
  4. hahaha ang kulit dn mag basa ng mga ganto... iba talaga pag pinoy ay

    ReplyDelete